أذكي 10 كلاب في العالم

أذكي 10 كلاب في العالم

دي قائمه ازكي 10 كلاب ف العالم , بس مش معني كده ان كلبك لو مش فيهم يبقي كلبك غبي , او لو فيهم يبقي زكي جدا , ممكن لو سبته من غير تدريب يبقي غبي ,و الكلاب دي بتتميز بالتفكير المتفرد , يعني ممكن يتصرف لوحده في احيان , رغم كده عندهم حب للبني ادم عامة , و ولاء شديد لمقتنيهم خاصة  .

#10 Australian Cattle Dog

كلب نشيط جدا , محتاج تمرين علي طول , زهنيا و بدنيا , كلب مكار فعلا , و استخدموه لرعايه الماشيه ف استراليا ( من هنا جه الاسم )

#9 Rottweiler

كلب معروف بأنه كلب مرعب , هو كلب متوسط ف العنف لكنه عنده شراسه فطريه للغرباء , محب للأسره جدا, رقم 9 ف الذكء علي مستوي الفصائل.

#8 The Papillon

كلب شبه القطط؟ , عمره ميخوف دبانه؟ , لازم تخاف منه صدقني , الكلب البابلوني كلب عصبي جدا و مزاجي, بس طبعا محبين جدا لأصحابهم و عيلتهم , سهل التدريب جدا لأنه من اكتر الكلاب حنانا تجاه الانسان.

#7 Labrador Retriever

كلب حبوب و عطوف و صبور , مشهور جدا ف مصر , من اشهر الفصائل ف العالم , بيحبوا اللعب فلازم تمرنهم كل يوم , علشان كمان حلو ممرنتهمش كل يوم قابل مشاكل ف الوزن بسبب طبيعتهم , غير كده معروف عنهم انهم كلاب اجتماعية جدا , بس خاف عليه من اصدقاء السوء !!!

#6 Shetland Sheepdog

اللي بيربي الكلاب دي بيحلف انهم عندهم ذكاء بشري تقريبا !!!, بالنسبه لشغلهم ( حراسه الماشية ) محتاج تركيز عالي و ذكاء طبعا , ممكن يكونوا صعبين شويه مع الغرباء بس كل الولاء للعيله , الكلب ده بيحب الصحبة البشرية جدا .

#5 Doberman Pinscher

الدوبر مان كلب مطيع جدا , و يمتاز بالولاء الكامل لصديقه ,عديم الخوف , صحته عاليه جدا , لو دربته ف سن صغير تدريب مناسب , يبقي الدوبر مان احسن كلب ف العالم بالنسبه ليك .

#4 Golden Retriever

مين ميعرفش الجولدن , و مين منفسوش ف جولدن , الكلب الجولدن هو ( الكلب ) اللي نعرفه لما نوصف ولاء الكلاب , لو هتسيبه مع اطفالك اعرف انه هياخد باله منهم احسن من مربيه , زكي جدا و سهل التدريب , و لو بتتفرج علي مسابقات طاعه اول فصيله عينك هتجيبها هي الجولدن.

#3 German Shepherd

اول ما دخلت الصفحه دي عارف انك هتدور علي الجيرمن ف اذكي عشر كلاب ( اديك لاقيته ) , مينفعش نقول ذكاء الكلاب و منقولش الجيرمن , من ذكائه بيشتغل ظابط - كلب بوليسي – زي ما بنشوفه دايما , شجاع جدا جدا ( من افضل عشر كلاب للحراسه ) بس كله بالتدريب , بيحب الشغل جدا , لو حد سألك ممكن كلب يخليك سعيد ؟ ؟؟؟ ايوه ... الجيرمن .

#2 Poodle

تخيل انت بقي ان الكلب ده رقم 2 في الذكاء !!! , فعلا من اذكي الكلاب و من اسهلهم ف التدريب , بيحب الناس جدا و مش بيحب القعده لوحده , علي فكره الكلب ده ممكن يبقي حارس كمان , او حتي صياد لو اتدرب , كلب ذكي فعلا , علشان كده هو من اشهر الكلاب ف امريكا .

#1 Border Collie

اذكي فصيلة علي الاطلاق , طبيعي انه يبقي محتاج شغل عشان يعيش سعيد , طبيعي انه ميقدرش يقعد لوحده , ممكن يخربلك البيت لو قعد لوحده او حس بأكتئاب ,لو كنت قاعد ف مدينه يبقي مش هتعرف تربيه , لو كنت ف الريف ممكن تلاقيه ف الشارع للأسف , الكولي ده علي طول بيحقق ارقام قياسيه , تخيل انت ان الذكاء ده ف مصر ... في الشارع .